تاريخ البشاقرة شرق

 آ يا وجعة رقاد الاغنيات تحت التراب....

و يا هجعة صهيل الامنيات السيدا فات

   وهج النجيمات البعاد الما بتنور سكتك ...  

مغبونة  غافلة   عن الصباح ...

 مهدودة من شكوي العشق....

 مجبورة تسهر للصباح.....

 اتمحرك الفجر الطلوع

 وانشر صبر الامنيات ..

بين الرحيل و الاغنيات

  في عز مسيرك يالحبيب

 ماتحيد خطاك عن الطريق 

  لاتندهش .....

لو في  لحظة قد خانك رفيق

 العبرة في انك تمش

رغم المكايد والمحن 

رغم المرارات لابد تمش

كل المصاعب تنكمش ...

تحكيك اسفار الرحيل 

الغاية والهدف النبيل 

ماشفت اصعب من سفر
بين الظنون والمشتهي
والعتمة والزاد الشقي

كان اعتي درس  

انك تصارع المستحيل 

كي تواصل فكرتك 

او كيف توصل ذكرتك

  احفظ لسانك يحفظك .

 كبر وليدك يسندك
قوي العزيمة بتنجعك

طول الطريق مايلوعك

قبل المسير احسن تحاسب رقفتك 

حاسب كمان من تنزلق اويفلقوك او تنفلق

  نور النجمات البعيدة  بتخوف الضو بالضلام

و سماك موشح بالغيوم 

الكترة ماشرط انتصار  

 القمرة رغم انها واحدة بس 

لكن بتهديك الطريق 

تفقا عيون الاغنيات

 لو ما الي ذاك الطريق قد ساقتك

 تهتك شرف كل  القصائد الماغنتك

 او ما وأمت مابين رقيصك وعرضتك ...

 هش علي الاحلام الراقدة في ضل الشدر 

راجياك تحاحيلا الفقر 

صوتك علا ونضميك كتر

 وانا في الضلام 

والقمرة خجلانة بتتاوق

 لاراضية تمشي ولا تبق...

حيرانة شحتفت النهار